Гарадзенкам, каб набыць тэст на цяжарнасць, у бліжэйшы час прыйдзецца аддаць час на пошукі. З дзяржаўных аптэк тэсты яны раптоўна зніклі.

- Тэстаў пакуль што няма на складзе, але чаму так здарылася, мы не ведаем, - распавялі "ТС" у адной з аптэк па вуліцы Ажэшкі. - Калі яны з'явяцца, мы таксама не ведаем, бо не займаемся закупкамі. Але мы і самі хвалюемся, бо гэта даволі хадавы тавар.

Дарэчы, беларускія фармацэўтычныя кампаніі тэсты на цяжарнасць не вырабляюць.

Таму, магчыма, знікненне звязана з павышэннем коштаў на імпартныя тэсты.

У камерцыйных аптэках горада тэсты на цяжаранасць пакуль ёсць.

Адрасы аптэк, дзе можна набыць тэсты, можна даведацца па тэлефоне 180.